پروفایل من
نویسنده (های) وبلاگ
آرشیو وبلاگ
ساقی نویسنده: علی کولیوندزاده - ۱۳٩۱/٦/٢٧

ساقی می برشنْ مس و گیژم کهَ

هوشم ئه سر بیرْ تون و تیژم کهَ

شَکَتم ئه دسْ زنئیْ نا هومارْ

بنار دی بسهَ سرو لیژم کهَ

علی کولیوندزاده

لینک      نظرات ()      

غزل- بی مناکر نویسنده: علی کولیوندزاده - ۱۳٩۱/٦/٢٢

ئه بی مناکر ای یار دل شکونن دی بسه

دل ئه دامت گرفتار دل شکونن دی بسه

بوره بنیش گپه به متله رنگینه بوش

شهرزاد یک و هزار دل شکونن دی بسه

نوم تو دلگاوه مه خنه ات هرنگ دلم

ملحم لشه بیمار دل شکونن دی بسه

واروهناسه تونه گل وه خنه ات سوزه ماو

اول چکره قه دار دل شکونن دی بسه

تاوسو گرمی دسه ت، گَرَم هور، اخمه تونه

روژه اوله وهار دل شکونن دی بسه

چئمه تو چوی آسموسیل تو لیسک هوره

آو کر یخ نثار دل شکونن دی بسه

ئه رنگینیه رویت مونگ خمین و شو کزه

روشن کره شوه تار دل شکونن دی بسه

مالگه ات هوماریه تخت خوشه انگیر لو تونه

مالت ها ار سر بنار دل شکونن دی بسه

دل شکونن دی بسه بوره بمینه لاما

تو خوره خوشه بار دل شکونن دی بسه

13 شهریور 91

علی کولیوندزاده

لینک      نظرات ()      

چند دو بیتی لکی نویسنده: علی کولیوندزاده - ۱۳٩۱/٦/٧

هئرو هئرومهَ، ئه دس زمونهَ

مردم جواو بین، وه ئه دیوونهَ

ئه تئم و توزهَ، نومتو نیا زِنئی

چمره منهَ یا سویر شیطونه؟!

######

تیرهِ ئه چئمت، هنگتر نوم لَشم

نازار ئه عشقت، خم بیه بَشم

"چنی چمهَ راه راه کهِ چولا چول"

تو دی نماینا وه بخته رَشم

######

نک و نا امید، وه لَش بیمارهِ

هر دس اَر زونی، اَر پا دیوارهِ

پَر جرگم زویخاو، آز مهِ دل نیهَ

هئرو ئه باخم، مَنئسهِ جارهِ

علی کولیوندزاده- شهریور 91

لینک      نظرات ()      

آزادی نویسنده: علی کولیوندزاده - ۱۳٩۱/٦/٧

شو خمهَ مچو، روژ شادیهَ مای

حوشک سالی مچو، آبادیهَ مای

ههِ دل دی بسهَ، چمری نهَ ژن

دنگ ساز و دوهل، آزادیهَ مای

 

علی کولیوندزاده

عکس از رضا نظری

لینک      نظرات ()      

لکم- تقدیم به تمام لکستانی ها نویسنده: علی کولیوندزاده - ۱۳٩۱/٦/٧

لکم، نژادهَ مه اهوراییهَ

زونهَ مه، زون اوستا بیهَ

عارفمو، ملا پریشان لک

شاعرمو، بابا طاهر لک زیهَ

تاریخ مه، گرین و میرملاسُ

سیمره که، یه شهر باستانیهَ

مردم لک، وه ئه گپه منازن

تاگه بینه، نژادو ایرانیهَ

نشونِ عدلِ مردمهِ قوم لک

تاریخ موشه، دوره کریمخانیهَ

مردم ایمه، ئه نومه تاریخ تکن

قوم کاسیت، ریشیی مردم لکن

وه روژ شادی، ئه خوشی چوپی هوازن

ئه روژ تنگی، کول چوی براله یکن

پر ژه می محبته، جوم دلوُ

جوره فره ئه تاریخ، هار نوم دلوُ

گپ دی بسه، زونه مه قاصرهَ

ملحمی بی، ئه شعره ار کوم دلوُ

علی کولیوندزاده

6 شهریور 91

لینک      نظرات ()      

مطالب اخیر
کلمات کلیدی وبلاگ
دوستان من
لک پرس لکنا (رسانه مردم لک زبان) مرکز فایل لکستان چلسرو آنلاین میرملاس نیوز نشریه اینترنتی لکستان ملا پریشان لک شاعران لکستان فرشه لکستان دینور لکستان لک موزیک واتوره سیمره دانلود موسیقی لکی و لری شعر لکی تاسیا(حشمت آزادبخت) اشعار لکی (اسد آزادبخت) آبان لک شهر کهره رضا حسنوند(شاعران لک زبان) آساره (مریم کولیوند) لک سرای (علی اکبر دلفانی) دانلود آهنگ و کلیپ لکی کاژه (بیژن همتی) گرآو لکستان سلام رومشکو هوشنگ رئوف هلیلان بیلانگاه پدری مجتبی حسینی (موسیقی) عبدالرضا قاسمی آگر(میثم قدمی) هانا (عبدالعلی میرزانیا) لک امیر گودرز شاطری نیما پیرانی مرتضا خدایگان شعر و ادب لکی حامد رشنو زاده رامین احمدی بلوطستان چقد سخته (سمیه روزبهانی) رضا نظری مهران غضنفری شمن(میترا زینی اصلانی) مهدی گراوند محمود هواسی (شوریده دره شهر) مرید هواسی علی حسن غلامی راضیه فولادوند مسلم سبحانی کیومرث مرادی بهزاد کرم اللهی زبانشناسان آینده اخبار فناوری اطلاعات شبکه دوستان بهشت من شبکه اجتماعی ادبیات جهان